ბირთვული კვლევების ევროპული ორგანიზაციის (CERN) სახელოვნებო პროგრამის Collide International/Barcelona-ის ქვეპროგრამის ფარგლებში, გამოცხადებულია 3 თვიანი რეზიდენტურის ჯილდოს კონკურსი მეცნიერებით დაინტერესებული ხელოვანებისთვის.
Collide International Residency Award-ი წარმოადგენს ბირთვული კვლევების ევროპული ორგანიზაციის სახელოვნებო პროგრამისა და ქალაქ ბარსელონის თანამშრომლობის 3 წლიან პროგრამას. აღნიშნული პროგრამის ფარგლებში, ყოველ წელს გამოცხადდება კონკურსი ხელოვანებისთვის 3 რეზიდენტურის ჯილდოს მოსაპოვებლად.
კონკურსის მიზანია ხელი შეუწყოს შემოქმედებით და ექსპერიმენტულ აზროვნებას ხელოვნებისა და მეცნიერების დაკავშირებით. კონკურსი განკუთვნილია იმ ხელოვანებისთვის, რომლებიც
- დაინტერესებული არიან ფუნდამენტური კვლევებისა და სამეცნიერო ცოდნის კულტურული მნიშველობით;
- ჩართული არიან თანამედროვე კულტურის შესახებ ინოვაციურ დისკურსში;
- ცდილობენ ხელოვნებასა და მეცნიერებას შორის თანამშრომლობის ტრადიციული ფორმების გარღვევას და ამასთან დაკავშირებით, აქვთ ინოვაციური და პროვოკაციური კითხვების დასმის სურვილი;
- მეცნიერებას და კვლევებს სხვადასხვა – ფილოსოფიური, ეთიკური, ტექნოლოგიური ან სოციალური პერსპექტივიდან უყურებენ.
გამარჯვებულ ხელოვანს შესაძლებლობა ექნება, გააგრძელოს საკუთარი კვლევითი საქმიანობა CERN-ში, იქ მომუშავე ფიზიკოსებთან, ინჟინრებთან, საინფორმაციო ტექნოლოგიების ექსპერტებთან და CERN-ის ლაბორატორიის თანამშრომლებთან ერთად. კონკურსში გამარჯვებული ერთ თვეს ბარსელონას ხელოვნების ფაბრიკაში გაატარებს.
2019 წლის კონკურსში საბუთების წარგდენის ვადაა 2019 წლის 31 მაისი.
კონკურსის შესახებ დეტალური ინფორმაციის სანახავად გადადით ამ ბმულზე.