ჰორიზონტი 2020-ის მარია სკლოდოვკსა-კიურის აქტივობების მიმართულებით
გამოცხადებულია კონკურსი თემაზე –

ინოვაციური ტრეინინგ ქსელები.ინოვაციური ტრეინინგ ქსელების (ITN)  მიზანია, მოამზადონ ახალი თაობის შემოქმედებითი, ენტრეპრენერული უნარების მქონე და ინოვატორი დამწყები მკვლევარები, რომლებსაც შეეძლებათ გაუმკლავდნენ მიმდინარე და სამომავლო გამოწვევებს, გარდაქმნან ცოდნა და იდეები ეკონომიკური და სოციალური სარგებლობის მქონე პროდუქტებად და სერვისებად.

ინოვაციური ტრეინინგ ქსელები (ITN) გაზრდის კვლევის ხარისხს და სტრუქტურას, დოქტორანტთა ტრეინინგებს ტრადიციული აკადემიური კვლევითი ტრეინინგ გარემოს გაფართოებისა და  მათში ღია მეცნიერების ელემენტების ინკორპორირების გზით, ასევე მკვლევარების სათანადო კომბინაციის მქონე კვლევასთან დაკავშირებული და გადატანადი კომპეტენციების აღჭურვის მეშვეობით.

აღნიშნული ქსელები მნიშვნელოვნად გაზრდის მკვლევართა კარიერულ პერსპექტივებს როგორც აკადემიურ ისე არა-აკადემიურ სექტორებში საერთაშორისო, ინტერდისციპლინარული და ინტერ-სექტორული მობილობის გზით, რომელიც კომბინირებულია ინოვაციურად ორიენტირებულ აზროვნებასთან.

ინოვაციური ტრეინინგ ქსელები (ITN) ხელს უწყობს კონკურენციის პრინციპით შერჩეულ ერთობლივ კვლევით ტრეინინგებსა და/ან სადოქტორო პროგრამებს, რომლებსაც ახორციელებენ ევროპის სხვადასხვა სახელმწიფოსა და მის ფარგლებს გარეთ მდებარე უნივერსიტეტების, კვლევითი ინსტიტუტების, კვლევითი ინფრასტრუქტურების, ბიზნესის, მცირე და საშუალო საწარმოების, და სხვა სოციოეკონომიკური აქტორებისგან შექმნილი პარტნიორობები.

ინოვაციურ ტრეინინგ ქსელებში (ITN) მოიაზრება შემდეგი 3 ფორმის კოლაბორაციული ხასიათის აქტივობები – ევროპის ტრეინინგ ქსელები (European Training Networks), ევროპის ინდუსტრიული დოქტორანტურა (European Industrial Doctorates) და ევროპის ერთობლივი დოქტორანტურა (European Joint Doctorates).

საპროექტო წინადადების მომზადების დაწყებამდე, დეტალურად გაეცანით კონკურსის პირობებს და შეარჩიეთ ინოვაციური ტრეინინგ ქსელებში მოაზრებული თქვენთვის სასურველი ფორმა.

საპროექტო წინადადების შეტანის ბოლო ვადა –  2016 წლის  12 იანვარი, 17:00:00 ბრიუსელის დროით.